Sikka Kahani !

Ye kahani hei ek rupaye key sikkey ki … jo aaj key zamaney mein rehta hai … aur is modern zamaney ki tamam dakyanusi sajawatoon sey waqif hei … 

zahir hei .. paisa ki taqat kiya hoti hai ... aur insan is paisey key liye kiya kiya ker guzarta hai … ye paisey se ziada kon janta ho ga … 

is sikkey ka safar ajeeb hai … is ney insaan ko biktey bhe dekha hei ... aur martey bhee dekha hei … din mein roz ... kissam kissam key logoon sey milta hai … aur kabhe kabhe; kitye din ... daraazoon aur almaariyoon mein hee guzar jatey hein … 

dil hee dil mein wo apney aabaao ajdaad key qissey dohrata rehta hai ... magar aaj us ke haqeeqat mein kiya haiseyat hei .. wo is sey bhe waqif nazar aata hai … 

kitni baar ... is ka dil toot-ta hei ... aur kitni baar anna per zarab khayee hei … 

is sikkey jey jazbaat aaj sikey ki zubani suney …

Sikka: “Aaj kitney din ho gay yahan parey parey … gup ahdheira - pata anhen in kagazoon mein aisa ki likha hoa hai jo in ka itna bojh hei … kissi ki waseeyat key lagtey hein – yaa ho sakta hai jaydaad key hoon ! kissi qatal key muqadmey key kagazaaat to nahen? … 


arey jis key bhe hein … mujh ko to yahan sey nikaalo … dam ghut raha hai mera yahan !

- fade

- Traffic ka shoor -  aaj sikka sarak pe gira hoa hai …

Sikka talking to itself: “Kabhe kabhe mein sochta hoon .. mere zindagi mein ek ajaeeb sa tasalsul hai … kahan kahan jata hoon, kitney kisam key logoon sey milta hoon ! logoon ki fitrat ko itney qareeb sey dekhta hoon … mere safar mein kitney kirdaar aatey hein aur kitney jatey hein … kheney ko to mein ek rupaye ka sikka hoon magar kitna adventure hei mere zindage mein ?” Bomb Dhamakey, Robbery, Rishwat aur pata nahen kiya kiya ...

Sikka to Reader: “Aap ye to nahen soch rahey key shayed mein bawala ho gaya hoon ??? arey janab! bari shaan hoti the hum sikoon ki … aur mein koi aaam sikka nahen hoon … purey ek rupaye ka sikka hoon ! … purey mulk ki currency merey qeemat sey jaani jati hai … ! aur her cheez ki qeemat 1 rupaye key hisaab sey lagti hai … 

aaj itney rupaye dollar girr gaya ... aaj pound itney rupaye charh gaya … ”

Sikka talking to itself: wo aur baat hei key ... 1 rupaye hee qeemat girti hee hei hamesha charhti nahe  … 

haan magar mera ek hindustani bhai hai … us ke qeemat barhti hei …

- Suddenly Someone steps on it …

Sikka: oyeee ! kiya waheeyat insaan hai … oh bhaaai nazar nahen aata ? …

Sikka to Reader: acha to mein "qadar" ki baat ker raha tha …

chaleiye choreiye janab … qadar to yahan insaan ki nahen ... mein to bas ek sikka hoon ! …

- fade -

A lady named Ishrat enters the main door off the house … his father in law is sitting in the sofa, relaxing and watching TV. A 2 year old kid Mohid, is playing nearby. An eleven year old girl is sitting with his the grand papa… a one rupee coin in lying on the table …

Ishrat: Uff abu jaan bazaar jenny ki der hei aur jaib ka kunda ho jata hai – majal hei keh ek rupiya bhe bach jaye – kiss kisam ki mehangai ho gaye hei ? … rona aata hai ...

Girl: Dadu ! abu bata rahe they key aap key zamaney mein 1 rupaye mein ghar ka bohat sara soda aa jata tha ?

Dada:  Ji baita jani –

Girl: sachi !

Sikka to Reader: Dekha ! mein naa kehta tha …?

Dada:  aur aap key abu ko purey ek month ki pocket money pata kitni milti the ?

Girl: Kitni !

Dada: 1 rupeya

Girl: itni kam ?

Dada:  baita jani 1 rupeya ki bari qeemat hoti the …

Sikka to Reader: Sun rahey hein aap ? baat kartey hein …

- Sudden darkness with a bang - Mohid gets hold of that sikka and puts in his mouth …

Sikka: laahol walla hi quuwat … kiss kissam ki wahiyaat makhlooq hei ... arey is bachey ko koi pakrey … mujhey is galazat sey nikaalo bahir … is janwar key mun sey mujh ko nikaaalo …

abbey terey halaq mein phas gaya na to tera baja baj jaye ga …

Mohid: Chokes ... 

Ishrat : (rushes) Mohid mun mein kiya hei ? Mohid mun kholo …

Mohid: Coughs and Vomits ...

Ishrat takes the coin out – takes Mohid to the bathroom washes his mouth, and leaves the coin there.

Sikka: laaho lohaan ker chora … mujh ko bhe saaf ker do … mera safar abhe khatam nahen hoa …

- Lights off …

-------------------------------------------------------------------------

“Ab aap sey kiya chupana … darasal baat ye hei keh dil dukha hoa hai mera … mujhey apni auqaat pe rona aata hai … mera ehsaas he nahen hei kissi ko … yaani key mein faltu ki cheez nahen hoon jisey yaha sey wahan utha key phaink do. Mere qeemat hei, mujhey dey key kitney log apna pait bhartey hein … merey jaisey ek ek jama ker key log imdaad ikhati kartey hein … … suna hei keh nahe ? pichley dinoon Flood Relief Camp mein no-jawaan larkey larkiyoon ney flood victims key liye imdaad ikhati ki aur pata hei theme kiya the ? keh ek shaks ek rupyey ki imdaad karey ga.

Samjhey kiya ?

in ka ye khayaal hai key ek ek sikka mil key bohat sarey ho jayen gay … aur sailaab zadgaan key liye relief ka kaam dein gay. Aur sahib baat bhe theek hei - itni bari aabadi hei tum logoon ki ... ek ek sikka de do to kitna bara kaam ho sakta hai … 

sochiye ek ek sikka ye ker sakta hai to ek ek shaks mil jaye to kiya kiya ker sakta hai … 

Magar kiya faraq parhta hei … ye to aqal waloon ki baat hai … hum waqat quoon zaya ker rahein hein … aap logoon ney kon sa burey halaat sey seekhna hota hai …

bas darein us din sey … jab ek shaks ki qeemat bhe merey jaisi ho jaye … hoon to mein ek sikka magar mere qeemat merey apnoon ney hee gawaa de hai … ab mamla hei is dharti ka ... jo tum sab ko sametey baithi hai aur tum sab apni apni capacity mein is ko lootney mein lagey hoye ho …

ab tak tum sab mera tamasha dekhtey they … ab mein tum logoon ka tamasha dekhoon ga … !

- fade -

ek din yehi sikka ek shakhs key wallet mein para hoa tha ... aur apey sath apney jaisoon pe tazkara chal raha tha … jis terha insaanoon key "samaji setup" emin Elite, Middle Class and Lower Class hota hai  .. ishee terha moatabir aur haqeer paye jatey hein … yehee darja hum ney paisey ko bhe diya hoa hai ... aur ye bhe becharey humeray social set up kay asar mein aa gaye hein ...  

Paisey mein bhe her note ki ek jaga hoti hai … 1000, 5000 ya 500 ka note ... zip wali, yaa sab sey mehfooz jaib men paye jatey hain … 

aur chotey motey note kissi bhe jaib mein ghusair diye jatey hein … aur sikkey ... jis terha hum ney lower class ko bohat nafaasat key sath nikaal ker makhsoos zameen key tukrey de diye hein ... ishee terha SIKKOON key liye bhe ek choti jaib maksoos ker de jati hai taakey faqeeroon sey jaan churaney key mein aasaani ho … 

aaj ye sikka ishee terha key ek wallete mein para hoa hai …

1 ka sikka aur 5 sikka aapas mein baat ker rahey hein …

1 ka sikka: (whisper) bhai jaan ek baat bataye ye jo 5000 ka note hei .. ye itna akarta quoon hei? … akarna to mujh ko chahaye … merey jeisey 5000 sikkon ney qurbani di to in ka wajood hoa …

5 ka sikka: (whisper) arey merey piyarey sey chotey bhai … mein ney 5000 ko kal 1000 sey baat kartey suna tha … Boss keh rahey they keh un ko bhe kabhe kabhe dar lagta hai keh un key bhe sikkey bana key market mein phaink diye jayen gay …

1 ka Sikka: Boos kon ?

5 ka sikka: arey 5000 ka note …

1 ka Sikka: Acha to 500 ney kiya kaha

5 ka sikka: kehna kiya hai ? wo un ko tasaliyaan dey rahey they … 


to bhayaa baat ye hei key suna hei halaat achey nahen …

1 ka sikka: bhai jaan dara quon rahey hein … mujhey to lagta hai keh humari abhe bhe koi auqaat nahen reh gaye …

5 ka sikka: kuch arsa pehley tak humarey bhe 5000 , 1000, 500 ki terha karaktey hoye note hoa kartey they– phir humarey sikkaey bana diye gaye …

100 ka not ye batein sun raha hai …

100 ka note: Mein kab sey tum dono ki batein sun raha hoon !

1 ka sikka: o tere ki .. yani key humari awaaz wahan taka a rahi hai ?

100 ka note: fikkar na karo jin sey dar rahey ho wo khaas khaney mein rakhey jatey hein waha tum jaiseoon ki awaz nahen jati … aur naa he koi sunna chahata hai ... 

- Silence

100 ka note continues: merey barey mein jantey ho log kiya kehtey they? 

“Lal Note” 

ye mera naam he nahen tha ... mere shaan the … log laal note dekh key pagal ho jatey they … pehley pehley mujh ko fazool mein turwaatey nahen they ... jaib mein rakhna shaan samajhtey they. 

Mere halat dekhi hai kiya ker dee hai in logoon ney … na mere shakal wo rahi hei na mere qeemat. 


Pichley dinoon mere mulaqat pehley waley 100 rupey key note sey hoi … mein to apni halat pe jal bhun gaya … us note ki kiya shan hoti the ... kiya us key kaghaz ka wazan hota hai ... kiya rang mein pukhtagi the … 

mukhtasaran mein wazan, sakht, rang aur hujam mein kiya kamal lagta tha …

aur ab ..

ahhhhhhhhhh ! mere qeemat ka to baira garaq ker hee diya … mere shakal bhe aise ker dee hei key shuru shuru mein ye log palat palat key mujh ko dekhtey they keh ... key kaheen mein jaali note to nahe ! 

1 aur 5 ka sikka gor sey sun rahey hein ... 

100 ka note continues: kher ! ye to is qaom ki aadat hei foran sey naye haal mein dhal jati hei, chahey haal bura ho ... ya burey sey bhe bura … us ko badalney ki koshish nahi karti …

Chalo choro, dukh ke batein … mein ek mazey ki baat batata hoon …

Ye jis ko tum boss boltey ho na

1 ka Sikka: 5000 ka note?

100 ka Sikka: haan ji ... 5000 ka note. 

Is mulk ki haqoomat ney 5000 key note ko bhe aise shakal de key ye log 20 ka note samajh key galati sey kharach leitey they … 

kitney he dukan daroon ney is terha logoon ko luta hei …

1 ka Sikka: yani key 20 Rs ka notre aur 5000 ka note ek shakal ka tha ?

100 ka Sikka: nahen ek shakal ka to nahen tha magar apni sakht aur rang mein itna milta julta tha key galati khana koi ajab baat na the … 

arey choro kiya kiya bataoon kiya kiya is mulk sey logoon ney humarey sath ...

- fade -

A young boy Ahad finds a 10 paisa sikka in his drawer … he takes it to his brother, Farid.

Ahad: Bhai jaan 1 rupaye ka sikka hei ?

Farid: han han ye lo -  takes 1 ka sikka out of the wallet.

Ahad: compares the two.

Farid: arey ye kahan sey mila tumhein? Ye to humarey bachpan mein hoa kerta tha …  

Ahad: farid bhai ... ajeeb baat hai, 10 paisey ki qeemat 1 rupaye sey 10 gunnah ziada hai na ?

Farid: Hana Q ?

Ahad: Magar aaj ka 1 rupaye ka sikka pehley key 10 paisey sey bhe kam ter quality ka hei !  kiya ye sharam ka muqam nahe hei ?

Acha 2 rs ka sikka dekhaye?

Farid: ye lo …

Ahad: ye dekhiye bas 19 – 20 ka hee faraq hei

1 aur 2 rs ki qeemat mein faraq dugna aur quality check karein ... wazan, shakal aur surat mein aaj key waqat key ye do coins ek taraf ... aur pehley ka 10 paisey ka sikka ek taraf…

kiya humarei economy pehley ziada better the? Yaa kiya humari haqoomat yahan bhe paisa khati hai ? 

Farid: Tum jantey ho pehley wala sikka tambey ka banta tha .. us ka wazan sakht hoti the … humari pakistani qoom bhe na … ajeeb ajeeb tareqey nikaalti hai paisey kamaney key … 


 
Jantey ho kiya hota tha …

 
Log sikkey pigla key tanbey key rate pe baichtey they …to yaani key 1 kio key sikkey I kilo taambey key rate pe bikte they …

Ahad: hairat sey … Naheen !

Farid: ji …

- Complete darkness: doooor sey train ki seete ki awaz

1 ka sikka: Ye mein kahan jar aha hoon? Train ki awaz ! 

kaheen ye shaks mehangaye sey tang aa key suicide to nahen kerney jar raha?

Ek dam sey roshani hoti hai … ek larka 1 ka sikka jaib sey nikalta hai .. us key sath ek khoobsurat larki bhe hai …

Larka larki sey : mein kuch dekhana chahata hoon tum ko?

Larki: haan dekhao naa …

1 ka sikka: arey logo is ko roko … ye bechara khudkushi karney jar raha ?

- Larka aagey barhta hai aur sikka train ki patri pey rakh deita hai.

1 ka sikka cheekhna chillana shuru ker deita hai, abey ooo wehshi … mujhey q maar raha hai? Mein to ulta tere fikar ker raha tha ---- abbey gadhey tujhey mere auqaat ka andaza nahe mein 1 rupaye ka sikka hoon ! … ek zamaney mein 1 Rs mein ghar ka soda aa jata tha … Aaj 2 rupaye mein 1 roti aa jati hai … 

Abbey kiya trick dekha raha hai .. bachey ki jaaan ley ga kiya ? abbey shaitan mardood … kiya bigara hai mein ney tera … ? jaan chor dey mere …

Train ke awaz taiz key sath sath patri mein larzish bhe teiz hoti jati hai …

dekh qadar ker mere … mujh sey tu rizq khareedta hai … pehnawa khareedta hai … mujhee ko kharach key ilm hasil kerta hai … ye ilm seekha hei tu ney … khuda ko kiya jawab de ga? 

BLACK OUT…

Train guzar jati hai aur 1 ka sikka ab ek chapta sa be-maani tokra reh jata hai … Larka us ko jhuk key uthata hai aur larki ko de deita hai … larki apney hathoon mein us ko mehsoos karti hai aur larkey sey bari mutasir hoti hai … 

na sif ye wo us turkey mein ek chota sa surakh ker key us mein chain daal ker galey mein latka leiti hei. aakhir us key mehboob ki creativity ki nishani jo hai ... 

Sikka sochta hai ... Itney piyar ki to aadat hee nahen rahe the...  
hayee ! ye ye zindagi achi hei ya wo zindage jo mein jee raha tha …

Kuch din baad us larki ki shadi ho jati hai … magar kissi aur larkey key sath …

Aaj kal wo sikka koorey key drum mein rehta hai … 

Humari kahani sikkey ki zubani