TB ya (tip-e-daq) ek aissa marz hai jo ek khaas kisam ka Bacteria (Mycobacterium Tuberculosis) sey hota hai. Aam tor per to ye bacteria pheproon per asar andaaz hota hai magar is key illawa aasaab, joor, hadyaan yaa khoon ka nizaam bhe is sey mutasir ho sakta hai ...
Uneesween sadi mein TB is qadar phail gaye keh is sey waloon logoon ke shara 7 mein sey 1 fard ke tak pohanch gayee …
24 March 1882 ko Robert Koach ney TB ka jaraseem daryaaft kiya .. us waqat ye daryaaft TB jeise jaan lewa beemari pe qaabu paaney mein ek sange-mail ke haseeyat rakhti the... tab sey 24 March ko TB ka aalmi din manaya jata hai takey loogoon mein TB key barey mein shaoor jagaya jaa sakey ...
... magar aaj 125 saal baad bhe … 30,00,000 afraad saalana, TB se mar jatey hein ... is baat sey ye andaza lagaya jaa sakta hai keh is jadeed zamaney mein bhe ye qadeem marz kiss qadar muhlik hota jaa raha hai ...
TB ke alaamaat mein ...
khansi ka mustiqil rehna ... us key sath balgham ka aana ya khansi key sath sath saans ka ukhrna shamil hein in alamaat key illawa bukhar ka rehna aur wazan ka kam hona bhe agar 14 din tak yaa us sey zaued rahee to TB key marz ke aalmat ho sakta hai ...
TB ka jaraseem mareez key saans ke zariya hawa mein dakhil hota hai aur jab us hawa mein koi bhe doosra shakhas saans leita hai to wo jaraseem us key jism mein dakhil ho jata hai aur munasib halaat milney per wo apney jeisey aur jaraseem paida kerna shuru ker deita hai aur bilaakhir us shaks ko bhe apni lapet mein le leita hai ... aur ishee terha ye silsila chalta jata hai ... wo khandaan jahan bohat ziada log bohat medood jag ape rehtey hein wahaan tb key phailney ka andesha bhe barh jata hei …
TB key mareez key liye sab sey bare tajweez un adweeaat ka baaqaida istamal hei jo us ko ek khaas muddat key liye istamaal karney ko de jaati hain ... is key illawa un ke zaati istamaal shuda cheezein, jeisey romal, bartan, toliya, daantoon ka brush wagera alag hona chahyeh… aisa nahen hei keh in ko achoot samajh key in ko alag ker diya jaye balkey sirf is baat ke ehtayaat rakhi jaye … keh in sey baham raabtey key waqat ek khaas faasla barqaraar rakha jaye taakeh un key saans, balgham ya thook sey nikalney waley jaraseemoon sey khud ko bachaya jaa sakey … aur behtey to ye hei keh mun ko dhanp liya jaye …
Kuch Haqeeqatein …
Duniya mein 6 Million afraad saalana HIV/AIDS, TB aur Malaria sey mar jatey hein jis mein sey 2 Million imwaat TB ke wajha sey hein …
TB ka ilaaj mumkin honey ke baawajood 5000 afraad riozana mar jatey hein …
TB sey honey wali 98 fe sad amwaat taraqi pazeer mumalik mein ho rahee hein …
TB ke sharah pasmanda halaat waley gharanoon key past nasho numa waley afraad mein ziada payee jati hai …
agar TB per qaaboo paaney ke liye mooaasar iqdaamaat nae kiye gaye to agley 20 saal mein is sey honey wali amwaat ke sharah 35 Million tak jaa pohanchey ge …
MDR – TB Multi Drug Resistant Tb kisi na kissi soorat mein 109 mimalik mein payee jati hai …
Aur ab is sey beh khatarnaak kisam ke TB – jis ko XDR – TB yanee keh Extreme Drug Resistant – TB bhe duniya mein ek khatra ban ker saamney aaya hai …
TB ka mukamal khatma hee is ka illaj hei …
jab tak TB sey ek shaks bhe mutasir hei ---- tab tak puri itsaniyat is ke zad mein hei …
thanks very nice information i typed it because once i was infected by TB now i am completely alright thanks to my mother Mothers are always great and my mom is the greatest of all i love u mom for taking me out of that disease
ReplyDeletethanks to u sabeen if i saw someone else this information will help me to guide him or her for treatment i am not doctor but will just guide them how to get rid of TB
thanks and god bless us all
mujey taqreeban 20 din se khansi hai or sath balgam bi a rahi hai or jis main kabi kabi kap kapi bi ho jati hai mujey ye bta daey ke ye kia T B tu nahi plz mujey email kar daey email id grana62@ymail.com thanks allah ap ko khush rakhey
ReplyDelete